Eqikkaaneq
2019-imi ukiup affaani siullermi katillugit 45.644-it inisisimallutik unnuisimapput kiisalu 119.401-it Kalaallit Nunaanni akunnittarfinni, vandrehjemmini illusisimmavinnilu allani 49-usuni, Naatsorsueqqissaartarfimmut nalunaarusiortartuni, unnuisimapput.
Inisisimallutik unnuisut amerlassusaat unnuisullu amerlassusaat 2018-imi piffissamut pineqartumut sanilliullugit 9,7 pct.-inik aammalu 3,4 pct.-inik qaffariarsimapput.
2018-imiilli piffissamit pineqartumit inisisimasumut ataatsimut agguaqatigiissillugu unnuinerit amerlassussaat ullunit 2,8-nit 2019-imi piffissami pineqartumi 2,6-inut appariarsimapput.
Inisisimasullu amerlassusaanni Danmarkimi najugallit amerleriarnerpaasimapput.
Titartagaq 1. Inisisimasut amerlassusaat, 2018-imi 2019-imilu ukiup affaani siullerni
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Tabel 1. Unnuillutik inisisimasut amerlassusaat, 2018-imi 2019-imilu ukiup affaani siullerni
|
|
2018 |
2019 |
allannguut pct.-inngorlugu 2018-2019 |
|
Kalaallit Nunaannit... |
26.376 |
27.052 |
2,6 |
|
Danmarkimit........ |
7.938 |
11.203 |
41,1 |
|
Nunanit allanit....... |
6.038 |
6.026 |
-0,2 |
|
Ilisimaneqanngitsut... |
1.270 |
1.363 |
7,3 |
|
Katillugit........... |
41.622 |
45.644 |
9,7 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Titartagaq 2. Akunnittarfinni unnuisut amerlassusaat, 2018-imi 2019-imilu ukiup affaani siullerni
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Tabel 2. Unnuisut amerlassusaat, 2018-imi 2019-imilu ukiup affaani siullerni
|
2018 |
2019 |
allannguut pct.-inngorlugu 2018-2019 |
|
|
Kalaallit Nunaannit... |
67.230 |
66.101 |
-1,7 |
|
Danmarkimit........ |
23.342 |
31.167 |
33,5 |
|
Nunanit allanit....... |
19.419 |
17.486 |
-10,0 |
|
Ilisimaneqanngitsut... |
5.491 |
4.647 |
-15,4 |
|
Katillugit........... |
115.482 |
119.401 |
3,4 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
2019-imi ukiup affaani siullermi inisisimasut amerlassusaat
Unnuisut amerlassusaat 2018-im i ukiup affaanut siullermut sanilliullugit 9,7 pct.-inik qaffariarsimapput. Qeqqata Kommuniani unnuisut amerlassusaat 26,3 pct.-inik, 13.197-inik amerlassuseqartunik, qaffariarsimapput.
Titartagaq 3. Inisisimasut amerlassusaat kommuni malillugu, 2018-imi 2019-imilu ukiup affaani siullerni
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.
2019-imi ukiup affaani siullermi akunnittarfinni unnuisut
Unnuinerit amerlassusaat 2018-imi 115.482-iullutik 3,4 pct.-iniit 2019-imi 119.401-inut amerleriarsimapput. Ilulissani akunnittarfinni unnuinerit amerlassusaat, 33.671-inik amerlassuseqartut, 14,3 pct.-inik qaffariarsimapput.
Titartagaq 4. Akunnittarfinni unnuisut amerlassusaat kommuni malillugu, 2018-imi 2019-imilu ukiup affaani siullerni
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.
2019-imi ukiup affaani siullermi inisisimasut nunanit allaneersut akornanni Tysklandimeersut 4.280-inik amerlassuseqarlutik amerleriaateqarnerpaasimapput.
Titartagaq 5. Nunanit allaneersut akornanni akunnittarfinni unnuisut amerlassusaat, 2018-imi 2019-imilu ukiup affaani siullerni
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Erseqqissaatit
Naatsorsueqqissaartarfik Kalaallit Nunaanni unnuisarfiit amerlanersaannit
akunnittarfinniillu annerusunit tamanit ataavartumik nalunaarusiorfigineqartarpoq. Kisitsisillu kisitsisaagallartuupput allannguuteqarsinnaallutillu Naatsorsueqqissaartarfimmi nalunaarutit amingaatigineqartut tiguneqarnerini.
Immikkoortiterinerni atorneqarsimasuni “Ilisimaneqanngitsuni” kiisalu “Nunanit allaneersuni” kisitsisit 2017-imiit annikitsumik naqqissuisoqarpoq. Nalunaarsuutini saqqummiunneqartartuni siuliini inisisimasut ilisimaneqanngitsunik najugallit “Nunanut allaneersunut” nalunaarsorneqartarsimapput. 2017-ili aallarnerfigalugu inisisimasut ilisimaneqanngitsunik najugaqarfillit “Ilisimaneqanngitsunut” nalunaarsorneqartalerput.
Nalunaarsuutit kinguaattooqqanerat peqqutigalugu missiliorlugu inisisimasut 2,70 pct.-ii kiisalu unnuisut 2,72 pct.-ii 2018-imi piffissami pineqartumi paasissutissaat tunngavigalugit missingersuutaapput.